Li bajarê Serdeşt yê Rojhilatê Kurdistanê, di êrişa pasdarên Îranê de kolberek hat kuştin û komek kolber jî birîndar bûn.
Îro danê sibê pasdarên Îranê li devera Dolebî ya Serdeştê komek kolber dan ber fîşekan.
Li gorî agahiyên Hengawê, di encama wê êrişê de kolberek bi navê Biryac Îbrahîmzade hat kuştin. Heta niha nasnameya kolberên birîndar nehatiye zanîn.
Tê gotin, par jî birayê wî kolberê ku îro hatiye kuştin, bi navê Nasir Îbrahîmzade li heman cihî hatibû kuştin.