Berpirsê medyaya parlementoya Kurdistanê ragihand, ji ber pêketina gelek karmend û endamên parlementoyê, civînên parlementoyê hatine sekinandin.
Li gorî agahiyên BasNewsê, heta niha zêdetirî 50 karmend û endamên parlementoya Kurdistanê bi Koronayê ketine. Ji ber wê jî civînên parlementoyê hatine sekinandin.
Berpirsê medyaya parlementoya Kurdistnaê, Saman Ehmed Bekir li ser vê mijarê ji BasNewsê re got, bi fermana serokatiya parlementoyê civînên parlementoyê hatine sekinandin.
Saman Ehmed Bekir her wiha got, ew biryar ji ber belavbûna vîrusa Koronayê li nav karmend û endamên parlementoyê de hatiye dayîn û dê heta niviya vê mehê bidome. Lê komîsyon karên xwe dikin.