Parêzgarê Hatayê diyar kir ku teqîna şevê bûrî ji encama êrîşeke esmanî li ser 2 gumanbarên PKKê bû ku piştre yekî ji wan xwe teqandiye.

Li navçeya Îskenderûn a Hatayê şeva bûrî teqînek rû da û di encamê de çend welatî birîndar bûbûn.

Parêzgarê Hatayê Rehmî Dogan got: "PKK êdî bi temamî ji çiyayê Amanosê derketiye. Berê 150 heta 200 PKK'yî lê hebûn."

Dogan ji rojnamegeran re ragihand, hêzên îstîxbaratê cihê 2 endamên PKK dîtin û di demjimêr 11:00'an de ji aliyê Hêzên esmanî ve rastî êrîşê hatin.

Parêzgarê Hatayê operasyon û êrîş wiha vegot û diyar kir, her du endamên PKKê yên daketine Eskenderonê ji aliyê hêzên ewlekariyê ve rastî êrîşê hatin û reviyan. Di qonaxa yekem de şerekî kurt li xala pişkinînêya Payasê çê bû û piştî hînga hêzên ewledarîyê ew şopandin û yekî ji wan xwe teqand. Piştre jî yê duyemîn hate girtin.

Partiya Karkerên Kurdistanê (PKK) heta niha derbarê bûyerê de ti daxuyanî belav nekirine.