Li Bedlîsê, operasyona leşkerî ku duh piştî îlankirina qedexeya derketina derve ya li 46 gundan hatibû destpêkirin, didome. 

Walîtiya Bedlîsê, duh piştî ku li 46 gundên girêdayî navenda Bedlîsê qedexeya derketina derve ragihand, li herêma van gundan operasyoneke leşkerî da destpêkirin. Di roja duyemîn de operasyon didome û liv û tevgera helîkopteran li herêma operasyonê heye. 

Wezareta Karên Hundir, derbarê operasyonê de daxuyaniyek da û ragihand ku operasyon bi navê “Daristanên Sehî Yildirim-16” hatiye destpêkirin û 2 hezar û 571 leşker, polis û cerdevan tevlî operasyonê bûne.