Serokê Herêma Kurdistanê îro demjimêr 11:00 gihîşt Bexdayê û yekemîn civîna xwe li gel Serokwezîrê Iraqê Mistefa Kazimî pêk anî.
Nêçîrvan Barzanî piştre li gel Serokê Parlamentoya Iraqê Mihemed Helbusî, Serokê Tevgera Hîkme Emmar Hekîm civiya û niha jî li gel Serokomarê Iraqê Berhem Salih di civînê de ye.
Civîneke din a Serokê Herêma Kurdistanê li Bexdayê, li gel Serokomarê Fransayê Emmanuel Macron e, ku îro berî nîvro gihîşt Bexdayê û bi Serokomar Berhem Salih re civiya û piştre herdu aliyan konferanseke rojnamevanî ya hevbeş lidar xistin.