Navenda Nûçeyan- Li gor daxuyanîya Navenda Dokumênt û Lêkolînên Akademîk a Kurdistanê ya li ser medya civakî, ew pirtûk bi piştevanîya Zanîngeha Silêmanîyê hatine amadekirin û çapkirina wan di qonaxa dawîn de ye û tê gotin, “Dê bên pêşkêşkirin bo xwînerên Kurd derbarê çand, dîrok û belgenameyên peywendîdar bi Kurdan.”
Navê pirtûkên ku hatine belavkirin û nivîskarên wan wiha ne: Rewşa Civakî ya Bajarê Kerkûkê (1922- 1975) ji alîyê Dilşad Mehmûd Ebdulrehman ve hatîye nivîsandin. Hewlêrê Li Serdema Osmanîyan ji alîyê Aştî Rehman Bekir ve hatîye nivîsandin. Bîranîn û Dadperwerî (16/3 ji bîranên Helebçeyîyan) ji alîyê Hewraman Ferîq Kerîm ve hatîye nivîsandin. Xaneqîn Di Belgenameyên Îranê De ji alîyê Karwan Osman Xeyat ve hatîye amadekirin û ji alîyê Cotyar Nerîman ve hatîye wergerandin.
Rojnameya Baserre ji alîyê Hogir Star Qemerî û Bextîyar Şerîf Qurbanî ve lêkolîn û amadekirina wê hatîye pêkanîn. Rol û Pêgeha Hacî Babeşêxî Seyadet Di Rûdanên Civakî û Sîyasî li Kurdistanê ji alîyê Seyid Ebdulrehman Seyadet ve hatîye nivîsandin. Bîblografîya Nameyên Mela Ebdulkerîmê Muderrîs ji alîyê Ednan Ebdulqedir Hewramî ve hatîye amadekirin. Cotkarî û Xurek Li Herêmên Çîyayî Di Sedsala (çarem a koçî/ dehem a zayînî) De ji alîyê Soran Beha Ehmed ve hatîye nivîsandin.
Pirtûka ‘Zanayên Navdarên Kurd û Pirtûkên Wan ên Giring Di Sedsalên 6 û 7 û 8 ên Koçî de’ ji alîyê Salih Emîr Ezîz ve bi zimanê Erebî, herwiha pirtûka ‘Ol û Mezheb û Bîr û Bawerî li Kurdistanê di Serdema Naverast a Îslamê de’ ji alîyê Yasîn Teha Mihemed ve bi zimanê Erebî hatîye nivîsandin.
Herwiha ‘Sîyaseta Îranê Derbarê Kurdan De’ jî ji alîyê Herdî Mehdî Mîke ve bi zimanê Farsî hatîye amadekirin.
Çavkanî: Rûdaw