Navenda Nûçeyan- Şaredarîya Êlihê di çarçoveya şahîyên çand û hunerî de konsera hunermend Mîkaîl Aslan li dar xist. Konser li Navenda Çand û Hunerê ya Ahmet Guneştekîn a Şaredarîyê li dar ket.
Aslan di navsera stranan de axivî û got ku ew xwe rehet hîs nake, ji ber ku dema rehet hîs dike û diaxive dozger cih de banga îfadayînê dikin. Aslan dîyar kir ku zaravayê zimanê wî zikmakî kirmanckî ye, ew bi kurmancî jî dizane û banga xwedîlêderketina zimanê zikmakî kir.
Di dawîya konserê de Mîkaîl Aslan û hunermedê Navenda Çanda Biharê Şêrzat ligel hev duet kirin.
Hevşaredarê Êlihê Mehmet Demîr ji ber keda wî plaketek da hunermend Mîkaîl Aslan û spasîya wî kir. Demîr dîyar kir ku ew dixwazin li Êlihê orkestrayek senfonî ava bikin û di vî warî de ji hunermendên kurd piştevanîyê xwest.
Çavkanî: MA