Bajarê Serêkaniyê yê Rojavayê Kurdistanê çekdarên opozîsyona Sûriyê, bi ala DAIŞê li dijî Fransa û Serokê wê Emmanuel Macron xwepêşandan kirin.
Piştî bûyera serjêkirina mamosteyekî Fransî ku karîkatêrên li dijî “Pêxemberê Îslamê” nîşan dabûn, xwepêşandanên nerazîbûnê li gelek cihan derketin.
Li bajarê Serêkaniyê yê Rojavayê Kurdistanê yê ji aliyê artêşa Tirkiyê û grûpên çekdar ên opozîsyona Sûriyê ve hatiye dagîrkirin, bi ala DAIŞê û Bereya Nusrayê xwepêşandanên nerazîbûnê hat kirin û tê de ala Fransayê û wêneya Serokê wê Emmanuel Macron hatin reşkirin.
Xwepêşandana îro ya li Serêkaniyê piştî wê yekê tê, Serokkomarê Tirkiyê Recep Tayip Erdogan êrîşî Serokkomarê Fransayê Emmanuel Macron kiribû.
Piştî belavbûna neraziyan li ser bilindkirina ala DAIŞê ji aliyê çekdaran ve parêzgaruya Rihayê ya Bakurê di daxuyaniyekê de aşkere kir ew kesê ala DAIŞê bilindkiribû hatiye desteserkirin.