Li komelgeha Tilbenat a li başûrê Şengalê, mayineke vedayî teqiya û di encamê de xortekî 14 salî can da.
Zanyarî destnîşan dikin, mayîneke paşmahiya çekdarên DAIŞê li komelgeha Tilbenat a li başûrê Şengalê teqiya û di encama bûyerê de xortekî bi navê Zeman Îdo canê xwe ji dest da.
Di van salên dawî de ji ber paşmahiyên mayînên vedayî yên DAIŞê, çendîn kes dibin qurbanî.
Di sala 2015an de di operasyoneke berfireh a hêzên Pêşmerge de, Şengal ji destê DAIŞê hat rizgarkirin, lê ji ber hebûna komên çekdar, heta niha jî nekarîne hemû deran bi temamî ji mayînan paqij bikin.