Hevserokê Desteya Tenduristiya Rêveberiya Xweser amarên 24 demjimêrên borî yên vîrûsa koronayê belav kir û ragihand ku 5 kesan jiyana xwe ji dest dane.
Dr. Ciwan Mistefa, Hevserokê Desteya Tenduristiya Rêveberiya Xweser ragihand; 238 kes bi vîrûsa koronayê (Covid-19) ketine û ji wan 18 kes li Hesekê, 21 kes li Qamişlo, 31 kes li Dêrikê, 10 kes li Girkê Legê, 3 kes li Amûdê, 4 kes li Dirbêsiyê, 44 kes li Reqayê, 1 kes li Rimêlanê, 44 kes li Kobanî, 27 kes li Minbicê, 26 kes li Tebqayê û 9 kes li Dêrezorê ne.
Dr. Ciwan Mistefa eşkere kir ku di nav 24 demjimêran de 7 kes jî baş bûne.
Bi vî awayî, hejmara kesên li rojavayê Kurdistanê wek hilgirên vîrûsa koronayê hatine tomarkirin gihiştiye 3625 kesan, ji wan 665 kes baş bûne û 109 kesan jî jiyana xwe ji dest dane.