Di encama bûyereke hatinûçûnê de li navçeya Pirsûs a Rihaya Bakurê Kurdistanê 2 kesan canê xwe ji dest dan û kesek jî birîndar bû.

Li gor agahiyên hatine belavkirin bûyer li ser rêya Riha û Dîlokê di 58emîn kîlometreyê de qewimî.

Otomobîla bi plakaya 27 J 1290 ku navê şofêrê wê nehate zanîn û barhilgira bi şofêrtiya Kadir Çiftî ya bi plakaya 35 UJB 47 ku ji aliyê din ve dihat li hev ketin.

Li ser agahdarkirina aliyên peywendîdar, tîmên tendirûstî û ambûlans bo cihê bûyerê hatin şandin û birîndar bo Nexweşxaneya Dewletê ya Pirsûsê hatin veguhestin.

Di encama qezayê de li cihê bûyerê Ahmet Çur ê di hundirê otomobîlê de canê xwe ji dest da. Ji birîndar Tugay Vurgun jî li nexweşxaneyê tevî hemû midexaleyên bijîşkî ji mirinê rizgar nebû.