Li Qersê di operasyoneke li dijî HDP'iyan de, Hevşaredar Şevîn Alaca û Hevserokê Bajêr Cengîz Anli jî di nav de, gelek kes hatin binçavkirin.
Li Qersê polîsan di saetên serê sibê de, bi ser malên rêveberên Partiya Demokratîk a Gelan (HDP) û Şaredariya Qersê de girtin. Hevşaredara Qersê Şevîn Alaca û Hevserokê HDP'ê yê Bajêr Cengîz Anli jî di nav de gelek kes di çarçoveya lêpirsîna Serdozgeriya Komarê ya Qersê bi rêve bir de hatin binçavkirin. Hat diyar kirin ku derbarê 19 kesan de biryara binçavkirinê heye. Hat ragihandin ku HDP'î bi îdîaya "endamtiya rêxistinê" hatin binçavkirin û ew birin Miduriyeta Ewlekariyê ya Bajêr.
HIN NAVÊ KESÊN HATIN BINÇAVKIRIN WIHA NE
Navê kesên hatin binçavkirin wiha ne: Hevşaredara Qersê Şevîn Alaca, Hevserokê HDP'ê yê Bajêr Cengîz Anli, Alîkara Hevserokên Şaredariyê Mûazzez Çagritekîncî, Fahrettin Kaya, Kaya Naki, Suat Bayhan, Hamit Taşdelen, Reis Baykiz, Zorba Başkurtlu, Bulent Agbaba, Şengul Erkmen û rojnameger Sevda Manduz.