Li devera Tirgever ya Ormiyê 3 serbazên Îranê di şerekî çekdarî de hatin kuştin.
Çavkaniyên nêzîkî sipaha pasdarên Îranê dibêjin, îro danê nîvro li navçeyên sînorî yên devera Tirgever ya bajarê Ormiyê, di navbera hêzên parastina sînor yên Îranê û komek çekdaran de şer derket.
Li gorî agahiyên wan çavkaniyan, di wî şerî de 2 efser û serbazek hatin kuştin û 2 serbaz jî birîndar bûn.
Hinek çavkaniyên kurdî dibêjin, ew çekdarên ku di navbera wan û hêzên Îranê de şer derketiye, pêşmergeyên yek ji partiyên Kurdistanî ne lê heta niha ti partiyeka Kurdistanî daxuyaniyek li ser wî şerî nedaye û nayê zanîn gelo ziyanên wan di wî şerî de hebûye yan na.