Walîtiya Mûşê ji ber bîranîna komkujiya Sirûcê hemû cure xwenîşandan û çalakî heta 3 rojan qedexe kir.
Walîtiya Mûşê bibîr xist ku 20 Tîrmehê salevegera Komkûjiya Sirûcê ye. Hinek alî dixwazin bi hinceta bîranîna Komkûjiya Sirûcê xwenîşandanan bikin û hêzên asayişê û welatiyan bînin beramberî hev.
Walîtiya Mûşê ragihand, bi armanca rêlibergirtina aloziyan li bajarê Mûşê heta 3 rojan her cure çalakî û xwenîşandan hatiye qedexekirin.
Di 20ê Tirmeha sala 2015an de 300 ciwanên sosyalist xwestin biçin Kobaniyê û beriya derbasî Kobanê bibin xwestin li Sirûcê daxuyaniyekê bidin çapemeniyê. Lê belê di dema xwendina daxuyaniyê de teqînekê rû da û di encama wê teqînê de 33 ciwanan canê xwe ji dest dabûn.