Wezareta tenduristiya Kurdistanê ragihand, di nav 24 saetên borî de 636 kes li Herêma Kurdistanê bi Koronayê ketine û 17 kes jî bi Koronayê can dane.
Wezareta tenduristiyê her wiha da zanîn, ji duhî de 403 nexweşên Koronayê jî baş bûne.
Bi vî rengî, hejmara kesên ku heta niha li Herêma Kurdistanê bi Koronayê ketine, gihîşt 42 hezar û 368 kesan ku hezar û 553 kes ji wan mirine û 27 hezar û 324 kes jî baş bûne.