Belavbûna dîmenekî vîdeoyî yê hewldana perçiqandina zarokekî Kurd ê akinciyê bajarê Êliha Bakurê Kurdistanê li ser torên civakî ji aliyê zirxpoşeke ser bi rêveberiya polîsên bajêr ve bû sedema gelek karvedanan.
Di wî dîmenî de ku li Taxa Rezan a Êlihê hatiye tomarkirin û ji aliyê rêxistina HDPê ya Êlihê ve li ser torên civakî hatiye belavkirin, zirxpoşeke rêveberiya polîsên Êlihê bilez dikeve meydanekê ku hejmarek zarok û xort lê kom bûne.
Wek di dîmen de tê dîtin, ku bi mobaîla welatiyekî li nêzîkê cihê bûyerê hatiye tomarkirin, zarok bo wêya ji aliyê zirxpoşê ve neyên perçiqandin, direvin û hewl didin xwe rizgar bikin. Zirxpoş ranaweste û dide pey zarokekî û hewl dide biperçiqîne, piştre zarok xwe xelas dike.
Rêxistina HDPê ya Êlihê roja Yekşemê 28ê Sibata 2021ê li ser tora civakî Twitterê ew dîmenê vîdeoyî belav kiriye û daxwazê ji Wezareta Navxwe ya Tirkiyê û hêzên ewlekariyê dike ku bên ser xetê û lêpirsînê derbarê wan kesan de bidin destpêkirin ku bi wî awayî tevdigerin.
Heta niha ti aliyekî fermi derbarê bûyerê de neaxifî ye.