Li navçeya Giyadîn a Agirî yê, ji ber lehî û birûskê 4 welatiyan canê xwe ji dest dan ku 2 ji wan zarok in.
Roja Duşemê, Naime Polat (48) ligel zarokên xwe Mûsa Polat (11) û Pinar Polat (4) jî bo komkirina giyayê beharê ji mal derdikevin. Lê ji ber barana zêde û rabûna lehiyê dayîk û herdu zarokên xwe bi lehîyê re diçin.
Li aliyê din welatiyekî din bi navê Nurullah Yardimci (19) her li wê navçeyê birûsk lê dixe û canê xwe ji dest dide.
Piştî ku welatiyên nêzîkê cihê bûyerê hêzên ewlekariyê agahdar dikin, hejmareke zêde ya hêzên ewlekariyê û tîmên bihewarveçûnê bo cihê bûyerê tên şandin.
Tîman termê dayîk û herdu zarokên wê dîtin û ligel termê welatiyên din ku birûskê lê dabû, veguhestin Nexweşxaneya Dewletê ya Giyadînê.