Li parêzgeha Wanê ya Bakurê Kurdistanê, bi hinceta ewlekariyê û rêgirtina li ber belavbûna vîrusa Coronayê, çalakiyên weke meş û xwepêşandan bo dema 15 rojan hatin qedexekirin.
Li gor daxuyaniya Walîtiya Wanê, ji bo berevaniya “ewlekariya can û malên xelkê û rêgirtina li ber belavbûna Coronayê”, encamdana çalakiyên weke civîn û xwepêşandanan, di nav sînorê parêzgeha Wanê de bo dema 15 rojan hatine qedexekirin.
Qedexeya çalakiyan ji îro Şemiyê 05-09-2020 dest pê dike û 19-09-2020 bi dawî dibe.
Li parêzgeha Rihayê ya Bakurê Kurdistanê jî encamdana çalakî û mitîngan bo dema mehekê hatin qedexekirin.
Li gor daxuyaniya Walîtiyê, li nav sînorê parêzgeha Rihayê û navçeyên wê, ji derveyî çalakiyên ku bi destûra walîtî û qayimqamtiyên parêzgehê de, encamdana çalakiyên weke civîn, meş, xwepêşandan, mitîng, vegirtina çadir û standan, belavkirina belavûkan û hemû cûrên çalakiyên weke wan bo dema mehekê hatine qedexekirin.
Qedexeya çalakiyan ji roja Yekşemê 06-09-2020 dest pê dike û di 05-10-2020an bi dawî dibe.