Navenda Nûçeyan - Şîretkarê encumena rûhanîya êzîdîyan, Kerîm Silêman ji BasNewsê re got, her sal tevahîya kurdên êzîdî ji seranserî Kurdistan û cîhanê bo pîrozkirina cejna Çarşema Sor li perestgeha Laliş kom dibin û cejna hev pîroz dikin.
Kerîm Silêman her wiha got, lê îsal ji ber vîrusa Koronayê û tedbîrên hikûmeta Kurdistanê li hember Koronayê kurdên êzîdî jî mina welatîyên din di mal de dimînin û naçin Lalişê.
Wî mezinê êzîdîyan da zanîn ku mîrê êzîdîyan Mîr Hazim Tehsîn Beg jî bang li kurdên êzîdî kirîye di mal de bimînin û îsal cejnê li mal de pîroz bikin.
Kurdên êzîdî her sal di meha Nîsanê de cejna Çarşema Sor pîroz dikin. Kincên kurdî li ber dikin û şemalkan vêdixin û şahî û kêfxoşîyê dikin. Cejna îsal roja 15 vê mehê ye.