Navenda Nûçeyan - Li gor Tîma Bersivdana Destpêkê ya Sûrîyê 1,041,233 Kes ji ber operasyona artêşa Sûrî û bordûmana firokeyên Rûsya derbider bibûn, niha di dema dawî de18,474 malabatên derbider vegerîyane malên xwe, wate ligor heman çavkanîyê 103.459 derbider vegerîyane.
Ji wan jî 9,791 malbat vegerîyane başûrê Idlibê û 8.683 malbat vegerîyane rojavayê Helebê, herwiha tê gotin ku 6,021 Derbider ji kampên sînorî yên bakurê Idlibê vegerîyane, hevdem 7,346 Derbider ji kampên bêserûber li nav darên zeytûnan vegerîyane û 27384 derbider ji gund û bajarokên navçeya ewle ya bakurê Idlibê vegerîyane.
Di demê de ku 26,049 derbider ji bakurê Helebê vegerîyane rojavayê Helebê. Li gor Tîma Bersivdanê tenê ji %6.41 ji tevahîya derbideran vegerîyane ser mal û warên xwe li Idlib û Helebê.
Li gor çalakvanên xwecihî, tê pêşbînîkirin di dema bê de, zêdetirî nîv milyon derbider ji navçeyên sînorî yên bakurê Sûrîyê vegerin cih û warên xwe, ew di demekê de ye ku ew debider vedigerin nav mal, gund û bajarokên wêran, ew yek rêxistinên hawarçûnê û yên mirovî erkdar dike, daku hemû pêdivîyan ji kesên vegerîyayî re peyda bikin, herwiha keresteyên avakirin û nûjenkirina xanîyên wêrankirî jiber şer û bordûmanê jî pêşkêşî xelkê vegerîyayî bikin.
Roja 6ê Adara derbasbûyî agirbesta Idlibê ket warê cîbicîkirinê, vê yekê hêdî hêdî rê li ber derbideran xweş kir, daku vegerin mal û warên xwe, bi gotina gelek kesên vegeryayî, mal, gund û bajarokên wan ên wêran baştirin ji çola vala û kampên bêserûber ên bê xizmetguzarî.
Rudaw