Îranê çar sifir ji diravê xwe yê neteweyî avêt

Parlamentoya Îranê pêşnûmeyek pejirand ku çar sifiran ji diravê neteweyî derdixe.

Li gorî ajansa nûçeyan a fermî ya Îranê, Parlamentoya Îranê pêşnûmeyek pejirand ku çar sifiran ji diravê neteweyî derdixe û karanîna "rîal" û yekîneya wê, "kiran", rêk dixe.

Li gorî agahiyan, di rûniştina asayî ya parlamenê de nerazîbûnên ku ji hêla Encumena Parêzvanan ve li ser pêşnûmeyê hatine kirin, hatin çareserkirin. Ji 263 parlamenteran, 144 kesan dengê "erê", 108 kesan dengê "na" dan û 3 kes jî bêalî man.

Li gorî qanûna ku diravê neteweyî wekî "rîal" destnîşan dike, 10,000 rîal wê bi diravê nû re wekhevî 1 rîal be. Yekîneya rîalê kiran (kurûş) e.

Tê payîn ku serdema veguheztina bo rîala nû herî zêde sê salan bidome. Tê plankirin ku di vê heyamê de banknotên kevin û pereyên kevin werin berhevkirin.

Rakirina sifiran ji diravê ku demek dirêj e li Îranê di rojevê de ye, armanc dike ku hesab û danûstandinan hêsan bike.