Parêzera hunermenda kurd Canê, Newroz Akalan ji ajansa Almanî ya dpa re gotiye, Canê ku roja 23 Hezîrana 2018 bi tohmeta ku piropagandeya “terorê” kiriye, hatibû girtin, duhî hat berdan.
Canê, ku welatiya Almanya ye, li bajarê Edrîne yê Tirkiyê û di dema xebatên hilbijartinên serokomariya Tirkiyê de hatibû girtin û bi tohmeta alîgirtiya PKKê, bi 6 sal û 3 meh zîndan hatibû mehkûmkirin. Canê paşê bo girtîgeha navçeya Bakirkoy ya Stenbolê hatibû veguhestin.
Canê bi şert hatiye berdan, ji ber ku hîn dadgeha wê xilas nebûye ji ber wê jî derketina derveyî Tirkiyê jê re hatiye qedexekirin.
Bi gotina parêzera wê, roja 20 Cotmeha îsal li Edrîne dadgeha wê heye.