Navenda Ragihandinê ya Hêzên Sûriyeya Demokratîk (HSD) sibeha îro ragihand ku hêzên wan li rojhilatê Reqayê hinek operasyonan dikin.
Medyaya fermî ya Sûriyeyê îro ragihand ku li rojhilatê Reqayê di navbera HSD û hêzên Şamê de pevçûnên dijwar derketine.
“Ew çeper di êrişên xwe yên terorîstî de bi kar anîne”
Navenda Ragihandinê ya Hêzên Sûriyeya Demokratîk (HSD) diyar kir ku ew li hemberî hinek çeperên ku DAIŞê ji bo êrişên bi dronan li biyabana Xanim el-Eliyê ya li rojhilatê Reqayê bi kar dianîn operasyonan dikin û got:
"Ev herêm hefteyek e ji aliyê komên girêdayî hikûmeta Şamê ve rastî zincîreyek êrişan tê.
Ev yek bi çalakiya endamên rêxistinê re hevdem e ku wan bi awayekî şênber ew çeper di êrişên xwe yên terorîstî de bi kar anîne."
HSDyê her wiha da zanîn ku ji bo têkbirina çavkaniyên êrişên li dijî çeperên wan operasyonên li qadê berdewam dikin.
Hêzên Sûriyeya Demokratîk (HSD) berî niha jî ragihandibû ku wan li gundewarê Reqayê 2 dronên DAIŞê xistine xwarê û daneyên ji dronekê derketine nîşan didin ku çekdarên biyanî yên DAIŞê ew dron ji çeperên artêşa Sûriyeyê bi kar anîne.