Endamekî kurd yê parlementoya Iraqê ragihand, Herêma Kurdistanê û Iraq û Tirkiye dê li devera Mêrgesor ya Başûrê Kurdistanê sê bendavan çêbikin.
Parlementerê kurd û endamê komîsyona çandiniyê li parlementoya Iraqê, Mihemed Emîn Faris ji BasNewsê re got, Iraq û Herêma Kurdistanê û Tirkiyê li ser çêkirina sê bendavan li devera Mêrgesorê li hev kirine.
Mihemed Emîn Faris da zanîn, dê îro şandeka hikûmeta Tirkiyê serdana Bexdayê bike û got, emê bi wê şandê re li ser danîna pilana çêkirina wan bendavan bicivin.
Wî parlementerê kurd her wiha got, ew bendav dê li ser avên hevbeş bên çêkirin. Çêkirina wan bendavan dê sûdek mezin bo deverê hebe çi di warê çandiniyê de çi di warê komkirina avê de çi jî di warê elektirîkê de.