Wezareta Tendirustiyê di daxuyaniya xwe de eşkere kir; di 24 demjimêrên borî de 788 kes bi vîrûsa koronayê ketine, ku jê 281 kes li Hewlêrê, 104 kes li Silêmaniyê, 24 kes li Germiyanê, 349 kes li Duhokê û 30 kes li Helebceyê ne.
Herwiha ragihand; 24 kesan ji ber vîrûsa koronayê canê xwe ji dest dane, ji wan 7 kes li Hewlêrê, 12 kes li Silêmaniyê, kesek li Raperînê, 3 kes li Duhokê û kesek jî li Helebceyê.
Wezareta Tendirustiyê, ji bilî ku destxweşiyê li karmendên tendirustiyê û hemû tîmên bijîşkî yên li ser kar in dike, careke din ji welatiyan daxwaz dike, pabendî rênimayên tendirustiyê bibin û ji cihê qerebalix dûr bikevin û mask û lepikan bikar bînin. Herwiha gava hewce bû telefonî hejmara 122ê bikin ku xeta yekser a ji bo Covid-19ê ye.