Berpirsekî hikûmeta Kurdistanê ragihand, piroje û pilana çêkirina rêya trênê amade ye û ew ê di demek nêzîk de bikeve piratîkê.
Wekîlê Wezareta Avedankirina Kurdistanê Sidqî Amêdî ji malpera fermî ya PDKê re ragihandiye, wan û Wezareta Veguhestinê pilan û pirojeyek bo çêkirina rêya trênê amade kirine.
Sidqî Amêdî her wiha gotiye, li gorî wê pirojê tevahiya bajarên Kurdistanê dê bi rêya trênê bi hev ve bên girêdan
.
Wî rayedarê hikûmetê daye xuyakirin, piştî ku rêya trênê hat çêkirin dê veguhestina rêwiyan gelekî hêsantir bibe her wiha her gava hikûmetê xwast rê û kolanan nûjen bike astengî dernakeve.