Îşev roja sêşemê terorîstên rêxistina DAIŞê li sînorê nahiyeya Gulaleyê ya ser bi Xaneqînê êrîşî ser hêzên artêşa Iraqî kirine û di encamê de dû serbazên Iraqî hatine kuştin.
Berdevkê Rêveberiya Polîsê Diyaleyê Nîhad Mihemed ji BasNewsê re axivî û aşkere kir terorîstên DAIŞê li nêzîkî pira Helwan li nahyeya Gulale êrîşî ser hêzên Iraqê kirine û ji ber wê êrîşê jî 2 serbazên Iraqê hatine kuştin û serbazek jî birîndar bûye.
Herwiha Nîhad Mihemed dibêje piştî êrîşê terorîstê DAIŞê ji herêmê derketine ê artêşa Iraqê jî li herêmê dest bi operasyona desteserkirinê kirine.
Cihê behsê ye tevgera DAIŞê li herêmên Kurdistanî û parêzgehên Iraqê zêde bûye û ew şiyana artêşa Iraqê ê milîsên Heşdî Şabî tuneye ku dawî li terorîstên DAIŞê bînin.