Navenda Nûçeyan - Rêxistina Mafên Mirovan li Efrînê belav kir, çekdarên grûpa Emşat di destpêka vê mehê de destê xwe danîbû ser xanîyê welatîyekî gundê Qermîtliq yê navçeya Şîyê, niha jî 8 hezar Dolar li welatî ferz kirine, heta ku xanîya wî jê re vegerînin.
Her li gundê Qemîtliq, grûpa Emşat roja 15ê vê mehê dengbêj Seîd Hesen revand û bi awayekî hovane eşkence, piştî ku bireke mezin jê standin, piştî 2 rojan berda.
Li gundê Hec Qasima yê navçeya Mabeta, çekdaran grûpa Semeqend muxtarê gundê û gundî li nava gund kom kirin û bi bihaneya ku ew mal û milkên wan diparêzin, baca 15 hezar Lîreyên Sûrî li ser her malekê ferz kirin.
K24