Navenda Nûçeyan- Bi fermana dadgehê û li ser daxwaza hevjîna hunermendê navdarê kurd Ahmet Kaya, nimayîşa fîlma ku li ser jîyana wî hatibû çêkirin, hat qedexekirin.
Par fîlmek bi navê “Du Çavên Min: Ahmet” ji alîyê şîrketa bi navê X Yapim ve li ser jîyana hunermendê wefatkirî yê kurd Ahmet Kaya hatibû çêkirin. Derhênertîya fîlmê ji alîyê du derhêneran ve, Ganî Gûzgar Şavata û Hakan Gurtop ve hatibû kirin.
Biryar bû fîlma han roja 7 vê mehê di sînemayên Tirkîyê de hatibû nimayîşkirin lê bi fermana dadgehê û li ser gilî û daxwaza hevjîna Ahmet Kaya û her du keçên wî, nimayîşkirina fîlmê hat qedexekirin.
Di fermana dadgehê de hatîye gotin, heta gilî û doza ku li dijî hatîye kirin, xilas nebe, nabe ew fîlm, ne di sînemayan de ne jî di înternetê de were nîşandan.