Serokê Tirkiyê Recep Tayyip Erdogan ragihand, encamên hevdîtinên wan û Amerîka li ser pêkanîna herêma aram li Rojavayê Kurdistanê çi dibe bila bibe, ewê êrişî YPGê bikin.
Serokê Tirkiyê û serokê giştî yê AKPê Recep Tayyip Erdogan, îro di civîna partiya xwe de behsa gelek mijaran kir. Yek ji wan mijarên ku Erdogan behsa wan kir, mijarên Sûriye û Rojavayê Kurdistanê, şerê PKKê û mûşekên S-400 bû.
Erdogan behsa êrişa Hewlêrê jî kir û ragihand, ew êriş nîşan dide ku operasyonên wan li dijî PKKê çi qasî bi bandor in. Lê wan karî tevahiya kesên ku destê wan di wê êrişê de hebûne, bigirin û yên din jî tine bikin.
Serokê Tirkiyê behsa operasyona “Lep” ya li dijî PKKê kir û ragihand, qesta wan ji wê operasyonê ew e ku pêwendiya navbera YPG/Rojavayê Kurdistanê û PKK/Qendîlê qut bikin.
Li ser xebatên pêkanîna herêma aram li Rojavayê Kurdistanê jî Erdogan da xuyakirin, encamên hevdîtinên wan û Amerîka li ser wê mijarê çi dibe bila bibe, ewê “korîdora terorê” îmha bikin.
Erdogan bang li kurdan, ereban û turkmenan jî kir li dijî YPGê şer bikin!