Jêderekî ji Efrînê ji K24ê re ragihand, grûpa çekdar a bi navê Polîsa Leşkerî bi ser bajarokê Mabeta de girt û 4 mêr û keçekê revandin û ber bi cihekî ne diyar ve birin.
Herwiha heman çavkaniyê diyar kir jî, navên kesên hatine revandin wiha ne: Selah Şebo (Cîgirê Serokê Encûmena Xwecihî ya Mabeta), Mihemd Elî Nasan (Rêvebirê Dibistanê), Ramî Îbrahîm, Mîdya Xencer (karmenda hawarhatinê) û Mihemd Sitê (Karmendê Hawarhatinê) ne.
Ji dema dagîrkirina Efrînê ji aliyê artêşa Tirkiyê û grûpên çekdar ve, bi hezaran kurdên Efrînê ji aliyê çekdaran ve hatine revandin.
Çalakvanên Efrînê dibêjin, sedema revandina welatiyan û ferzkirin û standina pereyan ji wan, bi armanca wê yekê ye, ta ku kurdên Efrînê neçar bibin û koçber bibin.
Heta niha gelek saziyên navdewletî yên mafên mirovan û Neteweyên Yekgirtî ve gelek rapor derbarê binpêkirinên mafê mirovan Efrînê belav kirine. Lêbelê Tirkiye û çekdarên opozîsyonê wan raportan red dikin.