DYAyê firotina çekan a bi bihayê 825 milyon dolarî ji bo Ukraynayê pesend kir

Li gorî agahiyan, Wezareta Derve ya DYAyê firotina leşkerî ya "Cebilxaneyên Radestkirî yên Hewayî" û alavên piştgiriya lojîstîkî yên têkildar ji bo Ukraynayê, bi lêçûna texmînkirî 825 milyon dolar, pejirand.

Ajansa Hevkariya Ewlekariya Parastinê (DSCA), ku beşek ji Wezareta Parastinê ya DYAyê, derbarê pejirandina firotanê de daxuyaniyek nivîskî weşand.

Di daxuyaniyê de wiha hat gotin: "Wezareta Derve biryarek daye ku firotina gengaz a "Cebilxaneyên Radestkirî yên Hewayî" û alavên têkildar, bi lêçûna texmînkirî 825 milyon dolar, ji hikûmeta Ukraynayê re pesend bike."

Di daxuyaniyê de hat destnîşankirin ku Ukraynayê 3,350 moşekên Cebilxaneyên Êrîşê yên Menzîldirêj (ERAM) û alavên lihevhatî yên bi van pergalan re, wekî Sîstemên Pozîsyona Cîhanî, xwestiye û agahdariya fermî ya pêwîst ji bo firotanê ji Kongreya DYA re hatiye şandin.

Di daxuyaniyê de herwiha hat destnîşankirin ku firotin konteynerên moşekan, parçeyên yedek, alavên piştgiriyê, nermalav, belgekirina teknîkî, perwerde û pêdiviyên lojîstîkî dihewîne.

Daxuyaniyê tekez kir ku firotin wê "hevsengiya leşkerî ya bingehîn" li herêmê neguherîne û got, "Ev firotin wê bi xurtkirina ewlehiya hevalbendek ku garantiya aramiya siyasî û pêşkeftina aborî li Ewropayê ye, piştgirîya armancên siyaseta derve û ewlehiya neteweyî ya Dewletên Yekbûyî bike."

Hat destnîşankirin ku Ukrayna wê kirînê di bin bernameya Fînansekirina Leşkerî ya Derve ya Dewletên Yekbûyî (FMF) de bike, bi fînansmana ji welatên wekî Danîmarka, Hollanda û Norwêcê.