Li Tirkiye û bakurê Kurdistanê di 24 demjimêrên borî de ji ber vîrûsa koronayê 49 kesan jiyana xwe ji dest dan û hejmara kesên ku ji ber koronayê mirine, gihişt 6 hezar û 511 kesan.
Wezareta Tendirustiyê ya Tirkiyê amarên 3yê Îlonê yên vîrûsa koronayê (Covid-19) belav kir.
Li gor daxuyaniyê, li Tirkiye û bakurê Kurdistanê di 24 demjimêrên borî de 1642 kesên din bi vîrûsa koronayê ketine û hejmara nexweşan gihiştiye 274 hezar û 948 kesan.
Herwiha di 24 demjimêran de 1211 kes baş bûne û hejmara kesên heta niha ji Covid-19ê rizgar bûne, gihiştiye 248 hezar û 87 kesan.
Fahrettin Koca, Wezîrê Tendirustiyê yê Tirkiyê li ser hesabê xwe yê Twitterê ragihand: "Rêjeyên zatureyê li pênc bajarên me yên ku herî zêde nexweş hene; Enqere: %4.7, Stenbol: %4.61, Qonye: %8.78, Qeyserî: %6.49, Diyarbekir: %8.37. Hêz di tedbîran de ye.”