Derwêş
de rabe
derwêşê evdî rabe
vê sehera sibehê li edûlê hewar e
hespê boz îro ji te re yar e
binêre
siwariyên şevê li talan
halan bide dost û yaran
me birûskên xêrê divên
ji xwedan azda wekî caran
bila netefe agirê medî
bi sê dengan gazî bike bi kurdî
de lêxên bavê bavê min o hûn ê lêxên
li şengalê findên ronahiyê pêxên
lo derwêşo tu derwêş î
bozê rewan bajo bi serkêşî
rizgar bike law û keçên êzîdî li pêşî
tebax 2014