Bîanet
Li Mêrdînê 23 cure tirî hene. Ji meha Tebaxê û pê de heta meha Çirîya Paşîyê mehrese tên danîn û li vir dims, bastêq û cureyên din ên ji tirî tên çêkirin.
Cureyekî tirîyan heye ku navê wî mezrone ye û li gorî tirîyên din xwedîyê tameke cuda û aromayeke xweştir e.
Li navçeya Mehsertê, xwedîyên rezan çûne mehsere danîne û dest bi çêkirina dims, bastêq û tiştên din kirine.
Husamettin Altindag, şaredarê Mahsertê got navê bajêr ji tirîyan tê û wiha berdewam kir: “Ji vê herêmê re dibêjin ‘Mehsertê’. Mehsertê bi erebî tê wateya cihê ku mehsereya tirîyan lê tê kirin.”
“Tirîyên me organîk in”
Cotkarê bi navê Beşîr Temîz jî derbarê mehsereyan û tirîyê mezrone de wiha axivî: “Li erdê dêm bê av hêşîn dibe, tehma vî tirîyî xweş e. Em avê dadin û derman nakin. Bi rêyên organîk hêşîn dibin.”
Cotkarekî din ê bi navê Mehmet Akdogan jî wiha got ku li herêmê weke “profesorê tirîyan” tê naskirin: “Bi rê û rêçikin ji bav û kalan maye em van tirîyan, organîk hêşîn dikin.”