Çekdarên ser bi artêşa Tirkiyê ve, 8 kes ji 2 gundên Efrînê revandin. Beşek ji wan piştî pere dan çekdaran, hatin berdan.
Rêxistina Mafên Mirovan li Efrînê belav kir, grûpa çekdar a bi navê Polîsa Leşkerî ji roja 2ê vê mehê ve 3 ciwan ji gundê Maratê revandin.
Navên kesên hatine revandin wiha ne: Ednan Cincî 23 salî, Mistefa Ebdilrehman Xelîl 24 salî, Besam Ebdo Qilêç 17 salî.
Diyar kir, çekdaran piştî çend rojan ciwanê Besam Ebdo Qilêç 17 salî berdan û du kesên din hîna çarenivîsa wan ne diyar e.
Wê rêxistina mafên mirovan ragihand jî, 5 kes ji bajarokê Mabeta ji aliyê Polîsa Leşkerî ve hatin revandin û pişt ji her kesekî 600 Lîreyên Tirkî standin, ew berdan.
Ji dema dagîrkirina Efrînê ji aliyê artêşa Tirkiyê û grûpên çekdar ve, bi hezaran kurdên Efrînê hatine revandin. Heta niha jî çarenivîsa hejmareke mezin ji revandiyan ne diyar e.