Rêxistina Mafên Mirovan li Efrînê belav kir, grûpa Polîsa Leşkerî duhî kesek bi navê Mihemed Hacî Hesen ji Nahiya Mabeta revand.
Wê rêxistinê diyar kir jî, çekdarên Polîsa Leşkerî û Ehrar El-Şerqiye 2 bira Reşîd û Dîdar Xorşîd ji gundê Kora yê ser bi Cindirêsê ve revandin. Diyar kir jî, çekdaran pere û otombîleke wan dizîn û piştre ew bi ber cihekî nediyar ve birin.
Rêxistina Mafên Mirovan diyar kir, gelek caran komên çekdar ji bo pereyan ji welatiyên kurd ên Efrînê bistînin, wan bi tometa “pêwendiya wan bi Rêveberiya Xweser re heye” wan tometbar dikin û direvînin.