Şerê wî û mamosteyê dibistanê berê Ahmed Kurdî daye Binxetê û li wir piştî demekê wî û Celadet Alî Bedirxanî hevdû nas kiriye. Piştî wê jî bûye belavkarê kovara Hawarê.
“Ez li gundê Tinatê, di dibistana seretayî de bûm. Min û malim me li hev nekir. Min jê re got, ev navên ku tu dibêjî, bi kurmancî jî bibêje. Ez 12 salî bûm. Ewî jî şeqamek li min xist. Min jî hêkek li ser masê li ser çavê wî xist û min baz da.”
Ahmed Kurdî weke belavkarê kovara yekem a kurdî ya bi tîpên latînî ye. Bi van gotinên li jor, serpêhatiyên xwe vedibêje. Ev bûye destpêkeke nû ji bo Ahmed Kurdî ku bi vê bûyerê re berê xwe daye Amûdê û li wir Celadet Alî Bedirxan nas kiriye.
Piştî hevnaskirinê, Celadet Alî kovara Hawarê daye wî da ku li Amûdê û li gundên wê belav bike. Li dû Amûdê Ahmed Kurdî sînor derbas kiriye û berê xwe daye Serxetê.