Serokê Herêma Kurdistanê Nêçîrvan Barzanî di merasîma pêşwaziya termê Dr. Necmeddîn Kerîm de got, "Bi serbilindî jiya û em bi serbilidî yad dikin û bi xêr hatinê li termê wî dikin".

Îro merasîma pêşwazikirina termê parêzgarê Kerkûkê Necmeddîn Kerim li firokexaneya Hewlêrê pêk hat.

Barzanî di axaftina xwe de pesnê xebat û bizavên Necmeddîn Kerîm yên şoreşgerî dan û diyar kir ku ew herdem piştevan û hevrêyê Mela Mistefa Barzanî û şoreşên Kurdistanê bû.

Herwiha Serokê Herêma Kurdistanê axaftina xwe wiha berdewam kir:

"Dr. Necmeddin Kerim evîndarê Kerkûkê bû. Bi eşq û evîn kar ji bo Kerkûk û Kerkûkiyan kir. Kerkûk herî zêde di dema parêzgariya wî de ji aliyê xizmetgûzarî, xwendin û tendirûstiyê ve pêş ket.

Necmeddîn Kerîm dizanî kêşeya serekî ya Bexdad û Herêma Kurdistanê Kerkûk e. Mixabin ji ber ku maddeya 140ê nayê bi cihanîn kêşe berdewam in."

Nêçîrcan Barzanî dûbarekir ku divê kêşeya Kerkûkê bi diyalog û aştiyane were çareserkirin.

Her wiha diyar kir ku termê Necmeddîn Kerîm demkî li Hewlêrê tê veşartin. Dema rewşa Kerkûkê çareser bû, dê termê wî vegûhêzin Kerkûkê.