Nûçegihanê Sputnîkê Hîkmet Durgunî ragihand ku Amerîkayê, li Ayn Îsayê ku dikeve navbera Kobanê û Reqayê, baregeheke nû ya asîmanî ava kirîye.
Li gor rayedarên Hêzên Sûrîya Demokratîk (HSD) Amerîkayê bi berdewamî baregehên leşkerî li herêmên di bin kontrola HSDyê de ava dike ku berovajî biryara vekişînê, hebûna xwe ya leşkerî jî zêdetir dike.
Jêderên HSDyê dîyar kir ku Amerîkayê ku 25 baregehên wê li herêmên di dest HSDyê de hene, li Ayn Îsayê, baregeheke nû ya asîmanî ava kirîye û parastina vê baregehê ji alîyê şervanên HSDyê va tê kirin.
Herwiha Amerîkayê veguhastina barhilgirên leşkerî û lojîstîkî jî didomîne. Jêderên HSDyê dibêjinrayedarên Amerîkî ji wan ra gotîye, 'Amerîka ji herêmê venakişe' û ji liv û tevgerên wan jî xwe dide der.
Hat ragihandin Amerîkayê 300 barhilgirên leşkerî û lojîstîkî ji Qamişloyê veguhastîye Rojavayê Kurdistanê.