Di encama teqîna bombeyekê li gundewarê Dêrazorê de, 7 zarok hatin kuştin.
Ajansa “SANA” ya ferm yê Hikûmeta Sûriyê belav kir, paşmayeke DAIŞê li gundê Diblan ê li rojhilatê Dêrazorê teqiya û di encamê de 7 zarokan canê xwe jidest dan.
Wê ajansê da zanîn, zarokên canê xwe jidest dane di navbera 9 salî û 13 saliyê de ne û dema dilîstin, bombe bi wan de teqiya.
Ji dema kontrolkirina gundewarê Dêrazorê ji çekdarên DAIŞê, ta niha gelek caran bombe û mînên ji aliyê çekdarên DAIŞê ve hatine vedan di welatiyên sivîl de diteqin û dibine qurbanî.