Do li ser rêya navbera navçeyên Midyadê û Kerborânê ku her du navçe li ser Mêrdînê ne, qezayekî zincire çêbû ku tê de kamyonekî, traktorekî û trimbêlekî li hev ketibûn û di encamê de 6 kes miribûn û 2 kes birîndar bûbûn. Îro cenaze tev li cem hev hatin definkirin ku di nav wan de 3 heb zarok hebûn.
Kesên di qezayê de can dabûn Nimetullah Yıldız (34) û kurê wî yê 2 salî Abdulkerim, birayê wî Mehmet Hacı Yıldız (10), ajotvanê trimbêlê Özkahraman (20), Dilovan (12) û birayê wî Muhammet Kan Seyitoğlu (21) ne.
Piştî otopsiya cenazeyan li nexweşxana dewletê ya Midyadê hat kirin, cenazeyan teslîmê malbatan kirin. Malbat cenazeyan birin taxa Bardakçıyê û li wê derê defin kirin.
Di qezayê de ajotvanê kamyonê M.E.A. û yê traktorê N.T ku birîndar bûbûn û ji aliyê dozgeriyê de hatin binçavkirin.