Ji 9 kursiyên kotaya pêkhateyan ên li Parlamentoya Îraqê, 5 ji wanên ku PDKyê piştgirî li wan dikir hatin hilbijartin.
Li gorî encamên destpêkê yên Komîsyona Bilind a Serbixwe ya Hilbijartinan, pênc namzedên pêkhateyan ên ku Partiya Demokrat a Kurdistanê (PDK) piştgirî dida wan, mafê çûna parlamentoyê bi dest xistiye.
Ji bo 5 kursiyên kotaya Xiristiyanan 19 namzed ketin pêşbirkê.
Her sê namzedên Xiristiyan ên ku PDKyê piştgirî dida wan, bi ser ketin:
Namzedê Dihokê Samî Uşana 22 hezar û 56 deng standin.
Namzedê Xiristiyan ê Hewlêrê Kildo Remzî Ogna 18 hezar û 472 deng standin.
Îmad Yuhanna yê ku li Kerkûkê 17 hezar û 602 deng standin, mafê çûna parlamentoyê bi dest xist.
Ji bo kotaya Êzidiyan jî li parêzgeha Nînowayê 7 namzed ketin pêşbirkê.
Li vir jî namzedê ku PDKyê piştgirî dida wî, Xalid Seydo bi 9 hezar û 689 dengan serkeftina xwe misoger kir.
Ji bo yek kursiyê kotaya Feyliyan ê li herêma Wasitê, 9 namzed ketin pêşbirkê.
Namzedê ku PDKyê piştgirî dida wî, Heyder Elî (Ebû Tara) bi 17 hezar û 174 dengan wekî parlamenter hat hilbijartin.
Namzedên din ên pêkhateyan ên ku bi ser ketine ev in:
- Îvan Faiq Cebro - 13 hezar û 128 deng (Bexda, kota Xiristiyan)
- Eswed Keldanî - 6 hezar û 227 deng (Nînowa, kota Xiristiyan)
- Waad Qedo - 10 hezar û 499 deng (Nînowa, kota Kurdên Şebek)
- Besam Zuheyrî - 5 hezar û 395 deng (Bexda, kota Suryanî)