Navenda Nûçeyan- Îro (06.12.2019) 13emîn Festîvala Navnetewî ya Fîlman Sînemardîn bi fîlma Emin Alper a “Xwîşkên Hev” (Kiz Kardeşler) dest pê dike.
Sînemardîn di navbera 6 û 13ê Kanûnê de tê lidarxistin û dê li du salonên cuda 24 fîlmên metrajdirêj û belgefîlm bên nîşandan. Di nav fîlmên li festîvalê yên li salona Mardin AVM Cinemaximumê bên nîşandan de fîlmên sala 2019an ên ku gelek xelat wergirinê jî cih digrin.
Hemû fîlmên tên nîşandan û hemû bernameyên atolyeyê yên di çarçoveya Sînemardînê tên kirin de dê wekî her sal îsal jî bêpere bin.