Hat ragihandin ku 11 jin û zarokên din ên kurdên Êzidî ji alîyê HSDyê ve hatin rizgarkirin û bi hevahengîya Mala Êzîdîyan a li Cizîrê û Kampa Holê ya Penaberan, ji HSDyê hatin wergirtin.
Piştî rizgarkirina tevahiya navçeyên rojhilatê Firatê û bidawîhatina desthilata DAIŞê li Baxozê, HSDê karî bi dehan jin û zarokên Êzidî yên ji aliyê DAIŞê ve hatine revandin, rizgar bikin.
Piştî rizgarkirina wan welatiyan, Mala Êzidiyan li Rojavayê Kurdistanê serperiştiya veguhastin û vegera rizgarbûyan bo Herêma Kurdistanê dike.
Hevdem, li Herêma Kurdistanê jî komîteyeke bilind bo pêşwazîkirin û dûvçûna dosa windabûyên Kurd ên Êzidî heye û di riya wê komîtê re kesên rizgarkirî vedigerin Şingalê.
(K24)