Platforma Zimanê Kurdî û bi sedan hezkiriyên kurdî êvara 8'ê mehê saet 21'ê de di tora civakî Twitterê de tagek vekir.
Taga bi navê "Bi kurdî binivîse" hat vekirin gelek bal kişand û bi hezaran twittên bi kurdî hatin nivîsandin.
Di dema ku tagê dest pê kir û pêre de bi hezaran twitt hatin belavkirin û di wê kêliyê de taga "Bi kurdî binivîse" di nav tagên herî zêde deng didin de heta rêza 5'an jî hat.
Di saetên dû re de jî kurdan di tagê de bi kurdî twittên nû belavkirin û dema saet ber bi 12'yê şevê ve diçû hejmara twittên ku di tagê de hatine belavkirin derket bi ser 10 hezar hebî.