Çolîg de êyê ke wazenê Zazakî xo hetê nuştiş û wendişî ra aver berê semedê înan hetê Midûrîya Merkezê Perwerdeyî yê Şarî yê Solaxanî ra bêpere xizmetê kursî yeno dayîş.

Kursê musayîşê ziwanî yo ke 2 aşmîyo ke ameyo akerdiş raştê eleqeyêko pîl yeno û 12 kursîyerî uca de dersa Zazakîgênê.  

Midûrê Merkezê Perwerdeyî yê Şarî Hayri Güneş vano ke ” Nika kursê ma yê musayîş û nuştişê ziwanî de 12 tenî derse gênê. Ma Zazakî qisey kenî la ma nêeşkenî binusî û biwanî. Ma kurs de hem nusenî hem wanenî. Ma qayîlê ziwanê xo neqlê tutan û tornanê xo bike ke wa vînî nêbo. Ma nê kursê xo di aşmî verê cû akerd. Ma verî zî 2 hebê bînî akerdbî. Ma wazenê wa şarê ma bêro tîya de nuştiş û wendişê Zazakî zî bonder bibo.”

Mamostayê kursî Faruk İlbaşî zî semedê kesê ke bîyê wesîle ke no kurs abîyo, pêrûne rê sipas kerd.

Kursîyeran ra Hacere Sevinç Gürbüz zî da zanayîş ke a 2 aşmîyo ke yena dersa Zazakî gêna û va ”Ez eşkena qisey bika la nêeşkena binusa. Ez tîya de zaf çî musaya. Ma qayîlê hem ziwanê xo bimuse hem zî tutanê xo rê bide musyanîş.”

Zazakî News