Li Îraqê 47 berpirs û kesayet ji ber dosyeyên gendeliyê hatin desteserkirin. Alîkarê Wezîrê Petrolê û 12 parlamenter jî di nav wan kesan de ne.

Medyaya fermî ya Îraqê navên kesên desteserkirî eşkere kirin.

Ev kes di operasyoneke ewlehiyê ya 12 demjimêran de hatin desteserkirin.

Sedema desteserkirina wan tevlîbûna dosyeyên gendeliyê ye.

Serokê Hevpeymaniya Ezimê jî hat desteserkirin

12 ji wan kesên ku hatine desteserkirin parlamenter in.

Parlamenterên Şîe û Sunî di nav wan de hene.

Serokê Hevpeymaniya Ezimê ay Suniyan Musena Semeraî jî di nav desteserkiriyan de ye.

Musena Semeraî di heman demê de parlamenter e.

Alîkarê Wezîrê Petrolê yê ji bo Kar û Barên Dabeşkirinê Elî Mearic Behadilî jî di nav wan kesan de ye.

Behadilî 7ê Gulana îsal ji aliyê Wezareta Xezîneyê ya Amerîkayê ve ketibû lîsteya kesên hatine cezakirin.

Ev ceza wekî beşekî ji hemleya "Hêrsa Aborî" hatibû dayîn.

Hêzên ewlehiyê îro berê sibehê dest bi vê operasyonê kir.

Armanca operasyonê desteserkirina tohmetbaran e.

Piraniya wan ji ber dosyeya gendeliyê ya Alîkarê Wezîrê Petrolê yê berê Ednan Cumeylî hatine girtin.

Li gorî medyaya fermî ya Îraqê, operasyona desteserkirina tohmetbarên gendeliyê li Bexda û parêzgehên din didome.

Daxuyaniya Desteya Destpakiyê

Desteya Destpakiyê ya Îraqê li ser operasyonê daxuyaniyek belav kir.

Desteyê ragihand ku wan li hemberî wan tohmetbaran dest bi rêsayên tund kiriye ku biryara desteserkirina wan derketiye.

Ev kes bi tohmeta birina mal û milkê giştî tên tohmetbarkirin.

Desteyê di daxuyaniya xwe de ev agahî dan:

“Rêkarên me li gorî yasayê ne û dê raya giştî ji hemû hûrgiliyan were agahdarkirin.

Biryarên desteserkirinê bi hevahengî û hewldanên hevbeş ên her sê desthilatên dadwerî, bicihanîn û yasadanînê û hewldanên Desteya Destpakiyê hatine bicihanîn.”

Navên kesên ku hatine desteserkirin wiha ne:

Musena Semeraî: Serokê Hevpeymaniya Ezimê.

Parlamenter Ziyad Cenabî: Ji Fraksiyona Hevpeymaniya Serweriyê ya bi serokatiya Sermed Xemîs Xencer.

Parlamenter Beha Nûrî: Ji Fraksiyona Avakirin û Bipêşketinê ya bi serokatiya Mihemed Şiya Sûdanî.

Parlamenter Mihemed Kerbûlî: Ji Fraksiyona Hevpeymaniya Ezimê ya Suniyan a bi serokatiya Musena Semeraî.

Parlamenter Aliye Nuseyf: Ji Fraksiyona Avakirin û Bipêşketinê ya bi serokatiya Mihemed Şiya Sûdanî.

Parlamenter Mihemed Cemîl Meyahî: Serokê Fraksiyona Wasit Ecmel a Şîeyan.

Parlamenter Hesen Xefacî: Ji Fraksiyona Avakirin û Bipêşketinê ya bi serokatiya Mihemed Şiya Sûdanî.

Parlamenter Ebdulrehman Luwêzî: Ji Fraksiyona Avakirin û Bipêşketinê ya bi serokatiya Mihemed Şiya Sûdanî.

Îbrahîm Sumeydeyî: Şêwirmendê berê yê Sûdanî.

Elî Mearic Behadilî: Alîkarê Wezîrê Petrolê.

Parlamenter Buşra Qeysî: Ji Fraksiyona Avakirin û Bipêşketinê ya bi serokatiya Mihemed Şiya Sûdanî.

Mihemed Seyhûd: Parlamenterê berê.

Parlamenter Mizyer Kurewî: Ji Fraksiyona Hevpeymaniya Serweriyê ya bi serokatiya Sermed Xemîs Xencer.

Parlamenter Hind Ebasî: Ji Fraksiyona Hevpeymaniya Ezim a Suniyan a bi serokatiya Musena Semeraî.

Parlamenter Mihemed Ferman Cibûrî: Ji Fraksiyona Teqedûmê ya Suniyan a bi serokatiya Mihemed Helbûsî.