Berpirsekî leşkerî yê Partiya Demokrat a Kurdistan – Îranê aşkera kir, Îranê hêzeke mezin li navçeyên sînorê li gel herêma Kurdistanê kom kiriye.

Fermandarê hêzên Pêşmergeyên Kurdistan a PDK-Î Kaweh Behramî ragehand: ‘’Li sînorê herêma Kurdistanê û Rojhilatê Kurdistanê, Îranê hêz kom kiriye.’’

Herwaha got, sedemê wê tevgera hêzên Îranê, ji bo pêşî li Pêşmergeyên aliyên Rojhilatên Kurdistanê bigre û herwaha nerazîbûnên xelkê navçeyên Rojhilatê Kurdistanê jî bitirsîne ye.’’

Kaweh Behramî got: ‘’Îran ditirse xelke serî rake, ji ber wê sînoran bihêz tejî dike û ji Hemedan, Azerbeycan û Urmiyê dubare hêzên nû anîne bo wan navçeyên sînor.’’

Berî naha jî li çapemeniya Iraqê belav kir, Îran hêzeke mezin bo navçeyên sînor anîne û dûr nîne ku plana êrîşeke bejayî bo ser hin hêzên opozîsyon pêkbîne.’’