Waqfê Cigêrayîş û Kulturî yê Kurdî (KÜRT-KAV), Dêrsim de konferansê "organîzasyonê Kurdan ê verê serra 1925î û têkilîyê cimatkî-sîyasî yê herême" virazeno.

Konferanso ke bi nameyê “Rêxistinkerdişê Kurdî Verê Serra 1925 û Têkîlîyê Dêrsimî” virazîyeno, do 23ê Teşrîne roja Yewşemeyî, mabênê seat 12.00 û 17.00 de Otela Şarogluyî de bêro viraştiş.

Konferans do bi yadkerdişê "şehîdanê Dêrsimî" dest pêbikero.

Çalakîye de, do dînamîkê organîzasyonê demî, rolê herêma Dêrsimî û têkilîyê hereketanê cimatkî-sîyasîyan ê Kurdan ê prosesê tarîxî de, çarçeweyêko akademîk de bêrê qiseykerdiş.

Qiseykerdoxî

Kadroyê qiseykerdoxan ê konferansî de, nameyê ke warê xo de pispor ê ca gênê:

• Tarixnas, nuştox Mahmut Akyureklî
• Tarixnas, nuştox Doç. Dr. Yalçin Çakmak
• Cigêrayox, nuştox Saîd Veroj

Beşdarî do hem bi çimeyanê tarîxîyan hem zî bi pêşkêşkerdişanê ke goreyê cigêrayîşanê sehayî ameyê amadekerdene, organîzasyonê Kurdan ê verê 1925î ser o bi xeylê hetan ercîyayîş bikerê.